Разликите кои ги имаат остварено најголемите компании според вкупен приход беа доста големи, меѓутоа во однос на добивката пред оданочување забележуваме уште поголеми разлики. Па така, на пример, 10те најуспешни компании од Словенија оствариле дури 230,64% поголема добивка пред оданочување во 2022 година наспрема 10те компании од Македонија, додека разликата кај првата најуспешна компанија од двете земји е дури 234,24%.
Малку пониска, но сепак повеќе од двојно поголема добивка пред оданочување оствариле компаниите од Хрватска односно 10те најуспешни Хрватски компании, во 2022 година. Споредбено со Македонија, Хрватска има 161,09% поголема добивка пред оданочување, а пак првата најуспешна компанија од Хрватска остварила 147,42% поголема добивка од првата најуспешна компанија од Македонија.
Во однос на дејностите кои се застапени кај овие 30 компании од трите земји, не може да се каже дека значително преовладува било која дејност, меѓутоа позастапени се производство, снабдување и трговијата со електрична енергија, трговија со фармацевтски производи, телекомуникации, производство и преработка на метали и други.
Државниот завод за статистика ги поздравува напорите и посветеноста на Еуро Бизнис Центар Скопје, како покровител на публикацијата „200 најголеми и најуспешни“, за промоција на успесите на најголемите и најуспешните деловни субјекти во Република Македонија. Од особено значење за читателите на публикацијата е презентирањето на официјални статистички податоци при претставувањето на фактичката состојба на економијата во Република Македонија. Тоа претставува потврда на важноста на статистиката при носењето одлуки засновани на релевантни, квалитетни, точни и навремени статистички податоци.
Користиме колачиња (cookies) за да Ви овозможиме најдобро искуство на нашиот сајт