KUEHNE+NAGEL го објави Извештајот за одржливост за 2023тата година

Влијание врз животната средина 

Според Пол, компанијата успеала, преку употреба на алтернативни горива да намали емисии на 110.000 тони стакленички гасови, што е еднакво на апсорпцијата на CO2 од три ипол милиони дрва. Ова е постигнато преку набавка на 26 милиони литри Одржливо Авионско Гориво (Sustainable Aviation Fuel), како и 13.391 тон Одржливо бродско гориво (Sustainable Marine Fuel). Дополнително, уделот на хибридни и/или целосно електрични службени возила изнесува 32% (15% повеќе од 2022).

Забележителна улога има и во заштитата на океаните и морињата, поточно со секоја склучена полиса за карго-осигурување преку фирмата-ќерка NACORA, се одвојуваат средства наменети за Marine Megafauna Foundation – организација која се грижи за научни океанографски истражувања и акции за нивна заштита и обновување. 

Кога е во прашање, пак, „зелената енергија“, компанијата веќе има поставено соларни панели за производство на зелена електрична енергија во дури 86 од нивните локации, а оваа бројка значително ќе расте и во 2024тата.

Во неколку земји, Германија, Франција, САД, Кина и Обединетите Арапски Емирати, Кине и Нагел комплетно ја поднови флотата со нови електрични камиони за преземање и достава на збирните пратки, а голем дел од вработените се поттикнати да користат еколошки начин за транспорт до работното место и назад.

Значителни резултати се покажани во намалувањето на потрошувачката на електрична енергија и на вода – околу 10%,  додека за 14% е намалена количината на отпад, од кој дури 65% е комплетно рециклиран. Ова покажува дека постои висока еколошка свест кај вработените во Кине и Нагел низ целиот свет, на што компанијата одговара со обезбедување одлични услови за работа.

Дополнително, дури 6,5 милиони квадратни метри од магацинскиот простор управуван од Kuehne+Nagel на глобално ниво, е осветлен со ЛЕД светилки што дополнително придонесува за заштеда на енергија и зачувување на животната средина.

Дури 53 национални канцеларии на Кине и Нагел се прогласени за „Прекрасно место за работа“ од независната иницијатива Great Place To Work, која лани спроведе истражувања врз 20 милиони вработени во 18.000 компании распоредени во 179 држави... една од канцелариите која се закити со ова престижно признание е секако и канцеларијата на Кине и Нагел Скопје.

Еднаквост, мултикултурализам и инклузија

Во Kuehne+Nagel моментално работат вработени од над 100 нации во светот. Компанијата, исто така, на глобално ниво им овозможува на жените сé повеќе простор во менаџерските структури, па така веќе оваа година 24% од сениор-менаџментот и 10% од топ-менаџментот се дами, а вкупниот процент на вработени жени изнесува 40%. Континуирано се зголемува и процентот на вработени и ангажирани лица со попреченост на кои им се даваат полесни задачи во ланецот на набавки...

Како една од водечките глобални логистички компании, ја препознаваме и ја прифаќаме одговорноста кон нашите клиенти, кон вработените, како и кон поширокото општество и кон животната околина... Затоа, нашата Визија 2030 е да станеме најдоверливиот логистички партнер кој на клиентите ќе им биде поддршка во одржливиот раст на нивниот бизнис...