Дома Клуб 200 Новости Анализи За Нас Контакт

Новости

Кои се 200те најголеми и најуспешни компании во Македонија за 2021 година

Почитувани читатели, со голема чест и задоволство ви го претставуваме најновото 19-то издание на престижната едиција 200 НАЈГОЛЕМИ И НАЈУСПЕШНИ компании за изминатата 2021 година.

Едицијата е составена од неколку тематски одвоени сегменти врз основна на официјални финаниски податоци, односно поделба на 200 најголеми компании рангирани според нивниот остварен вкупен приход и 200 најуспешни компании рангирани според нивната добивка пред оданочување, како и податок за нивниот просечен број на вработени. Едицијата исто така содржи и рангирање на најголеми и најуспешни банки и осигурителни компании во Р. С. Македонија, рангирани соодветно според нивниот капитал и резерви и добивката пред оданочување, односно бруто полисираната премија и добивката пред оданочување. 


Дополнителна анализа е направена и на фирмите по дејности, нивната територијална застапеност, листа со најбрзорастечки компании и најголеми работодавци за 2021 година. 

Веќе повеќе од 15 години правиме споредба и со земјите од регионот. Достапни во едицијата и оваа година се и 50 најголеми и најуспешни компании од Р. Словенија и 50 најголеми и најуспешни компании од Р. Хрватска за 2021 година. 

Како што ни е добро познато, во 2021 година продолжи големото закрепнување од економската криза која што започна уште во 2020 година и на која што повеќето сектори не останаа имуни.
Непoсредно пред почетокот на грејната сезона почна и енергетската криза, најмногу со покачување на цената на електричната енергија, но и на сите видови горива, а особено на природниот гас.
Растот на цената на енергијата на светските берзи, вклучително и на други примарни производи, ги подгреа вкупните ценовни притисоци кои преку меѓународните пазари се прелеаја во националните економии. Сега, тие притисоци, како резултат на кулминацијата на руско-украинската криза, стануваат сè посилни.

И покрај сите овие предизвици во изминатата година, компаниите во Р. С. Македонија успеаја да забележат успешна година и да ги зголемат своите приходи и добивки.

Компаниите кои се наоѓаат на листите на 200 НАЈГОЛЕМИ И НАЈУСПЕШНИ во 2021 година остварија вкупен приход од 870,1 милијарди денари. Со тоа забележуваат пораст од 17.9% во споредба со 2020 година.

Истите оствариле вкупна добивка пред оданочување од 64,8 милијарди денари.
Растот на добивката кај најуспешните во споредба со 2020 година изнесува 11.8%.

Вкупниот просечен број на вработени од 200те најголеми и најуспешни компании за изминатата година изнесувал 97,397.

Деветнаесетото издание на 200 НАЈГОЛЕМИ И НАЈУСПЕШНИ како и до сега, ќе имате можност да го нарачате на англиски и македонски јазик, како и во дигитална форма.

Вашата нарачка можете да ја направите на

  • info@eurobc.mk или на
  • 02/3103-380

200 НАЈГОЛЕМИ КОМПАНИИ ВО МАКЕДОНИЈА. КОИ ДЕЈНОСТИ СЕ ЗАСТАПЕНИ ВО ТОП 10

Погледнете каков успех забележаа најголемите компании за 2021 година, и кои индустрии се најдоа во топ 10те компании.

10 анализи во едицијата 200 НАЈГОЛЕМИ И НАЈУСПЕШНИ

Почитувани читатели, престижната едиција на 200 НАЈГОЛЕМИ И НАЈУСПЕШНИ во Р. С. Македонија содржи повеќе листи и поделби на компаниите според различни критериуми. Во продолжение ви презентираме неколку.

Конти Хидропласт - компанија посветена на постојан развој на нови производи и технологии

Конти Хидропласт е извозно ориентирана македонска компанија, за производство на ПЕ (полиетиленски) и ПП (полипропиленски) црева и цевки. Конти Хидропласт е основана во 1975 година во Гевгелија, примарно како мала фабрика за производство на алати и елементи од лиена пластика.
Годишно издание

Државниот завод за статистика ги поздравува напорите и посветеноста на Еуро Бизнис Центар Скопје, како покровител на публикацијата „200 најголеми и најуспешни“, за промоција на успесите на најголемите и најуспешните деловни субјекти во Република Македонија. Од особено значење за читателите на публикацијата е презентирањето на официјални статистички податоци при претставувањето на фактичката состојба на економијата во Република Македонија. Тоа претставува потврда на важноста на статистиката при носењето одлуки засновани на релевантни, квалитетни, точни и навремени статистички податоци.

Државен завод за статистика

Учесници
Соработници

Користиме колачиња (cookies) за да Ви овозможиме најдобро искуство на нашиот сајт