Среда, 21 Февруари 2024
Дома Клуб 200 Новости Анализи За Нас Контакт

Новости

Најуспешните компании во Хрватска за 2022

Како сеопфатна едиција, 200 НАЈГОЛЕМИ И НАЈУСПЕШНИ се труди да вклучи и официјални податоци и од некои од соседните држави. Па така, ги објавуваме најуспешните 50 компании од Хрватска за 2022 година.

Освен Хрватска, едицијата содржи и споредбени табели и за Словенија и тамошните компании. 

Како изгледаше листата на најуспешните компании на Хрватскиот пазар во 2022 година, споделуваме во текстот и табелата во продолжение.

Највисоката остварена добивка изнесуваше 397,9 милиони евра, остварена од страна на компанијата за производство на рафинирани производи, Ина ДД од Загреб. Оваа компанија се најде и на врвот на најголемите според вкупно остварен приход во износ од 4,7 милијарди евра. По неа следи ОМС-Управљање, исто така од Загреб, која се занимава со трговија на големо со цврсти, течни и гасовити горива. Нејзината добивка е значително помала од онаа на прворангираната компанија и изнесува 136,8 милиони евра односно 65,6% помалку од Ина ДД. 

Следна на листата, со не толку драстична разлика во остварена добивка, е Плива Хрватска ДОО чија главна дејност е производството на фармацевтски производи. Нејзината довивка изнесувала 121,9 милиони евра. Со 117,4 милиони евра остварен профит, Хрватски Телеком го завзема четвртото место на оваа ранг листа, а веднаш по него е фирмата за воден сообраќај Танкерска Пловидба со 106 милиони евра остварени како профит. 

Супер Спорт, компанијата за коцкање и обложување, е шестата најуспешна фирма на хрватскиот пазар и има остварени 95,8 милиони евра профит. Следат две компании од хотелската индустрија, а тоа се Валамар Ривиера од Буичи и Плава Лагуна од Пореч, со профит 89,2 и 77,2 милиони евра, последователно.

Деветтото место припадна на Енергија Пројект од Сењ со добивка од 74,7 милиони евра, а десеттото место го зазема добро познатата компанија за трговија на мало со храна и пијалаци, Лидл. Лидл има остварена добивка во износ од 64,4 милиони евра. 

Целосната листа на 50те најуспешни компании најдете ја во табелата подолу, а податоците за компаниите од 200 НАЈГОЛЕМИ И НАЈУСПЕШНИ може да ги дознаете тука



Алкалоид АД го негува здравјето и ја штити животната средина

Алкалоид АД е домашна фармацевтска компанија која произведува лекови, козметички и хемиски производи.

Универзал Комерц, најуспешната компанија во трговија со хемиски производи за 2022

Универзал Комерц, компанија специјализирана за увоз и трговија со хемиски производи, бои и лакови, на пазарот во Македонија постои од 1990 година, а исто така е дел и од 200те најуспешни компании.

Традицијата продолжува: најголемите и најуспешните винарии во Македонија во 2022

Традиционално, во чест на денот на виниото, и оваа година ги претставуваме винариите кои се пласираа меѓу 200те најголеми и најуспешни компании во 2022 година.
Годишно издание

Публикацијата „200 Најголеми и Најуспешни“ е многу корисен извор на информации којшто на секој инвеститор му дава прецизна слика за финансиското и деловното работење на 200-те најголеми и најуспешни компании во Република Македонија.

Пазарот на хартии од вредност во основа го придвижуваат информации и во интерес на Берзата во најширока смисла е што поголем број на податоци за работењето на друштвата да бидат достапни на јавноста за да може да се носат правилни и издржани инвестициски одлуки.

МАКЕДОНСКА БЕРЗА АД, Скопје

Учесници
Соработници

Користиме колачиња (cookies) за да Ви овозможиме најдобро искуство на нашиот сајт