Петок, 29 Март 2024
Дома Клуб 200 Новости Анализи За Нас Контакт

Новости

5 најголеми и најуспешни транспортни компании во Македонија за 2021

Кои беа 5та најголеми и најуспешни транспортни компании во Македонија за 2021 година?

2021 се покажа како успешна година за компаниите кои се дел од транспортната индустрија. Имено, вкупната добивка пред оданочување на најголемите и најуспешни 5 компании од транспортната индустрија за 2020 година изнесувала 567.736.512 денари. За 2021 пак, 5те најголеми и најуспешни транспортни компании за 2021 успеаа да остварат вкупна добивка пред оданочување од 700.455.346 денари, што претставува значителен раст во добивката од дури 23.37%. Тоа секако се должи и на пандемијата со корона вирусот која го погоди светот во 2020та година. 

5 НАЈУСПЕШНИ ВО 2021 ГОДИНА

#5 

ТРИТЕРОЛ ПЕТРОЛ ДООЕЛ, Скопје

Вкупен приход: 758.365.294 I Вкупна добивка: 86.199.864 I Ранг Најголеми: / I Ранг Најуспешни: 192 

На 5то место на најуспешни транспортни компании се наоѓа компанијата ТРИТЕРОЛ ПЕТРОЛ ДООЕЛ, Скопје. Ова за нив претставува прво појавување на листата на 200 најуспешни компании пресметано според вкупната добивка пред оданочување. 

#4 

ЕМША-ШПЕД ДООЕЛ, Неготино

Вкупен приход: 1.243.717.812 I Вкупна добивка: 126.875.214 I Ранг Најголеми: 182 I Ранг Најуспешни: 114 

 

ЕМША-ШПЕД ДООЕЛ, го зазема 4то место на листата на најуспешни транспортни компании во Македонија, а воедно и се учесници во изминатите изданија на едицијата 200 НАЈГОЛЕМИ И НАЈУСПЕШНИ. Фирмата Емша Шпед ДООЕЛ е товарна и логистичка компанија основана во 1999 година од нивниот сегашен сопственик Г-нот Емшов Марјан. Денес, Емша Шпед ДООЕЛ е голема шпедиција која поседува над 200 камиони и нуди логистички и транспортни услуги на партнери во Македонија, соседните земји, и цела Европа.

#3 

ОИЛКО КДА, Скопје

Вкупен приход: 591.311.949 I Вкупна добивка: 127.733.011 I Ранг Најголеми: / I Ранг Најуспешни: 113
  

3та позиција им припадна на ОИЛКО КДА, Скопје. На листите на 200 најголеми и најуспешни се наоѓаат последователно во последните 7 години.  2021 се покажа како мошне успешна за нив со тоа што успеваат да забележат втор најголем остварен приход (2019 била година со поголем приход од околу 2 милиони денари), а исто така и најголема добивка пред оданочување во споредба со последните 5 години. ОИЛКО КДА е командитно друштво со акции за транспорт, основано на 18.01.2007 год. Основач и најголем акционер во Друштвото е Макпетрол А.Д., со триесетипет процентно учество во вредноста на капиталот.

#2 

ДЕНИ ИНТЕРНАЦИОНАЛ ДООЕЛ, Скопје

Вкупен приход: 1.357.292.927 I Вкупна добивка: 155.074.083 I Ранг Најголеми: 171 I Ранг Најуспешни: 95 

 

ДЕНИ ИНТЕРАЦИОНАЛ ДООЕЛ, на 2то место на листата на најуспешни транспортни компании. За 2021 во споредба со останатите транспортни компании имаат остварено најголем вкупен приход, а воедно и имаат најголем број на вработени, 255. Со текот на времето фирмата прераснува во целосно екипирана и професионална компанија за меѓународен транспорт. Возниот парк во сопственост на компанијата и бројот на вработени во континуитет се зголемува.

#1 

ЈАВОР-ТРАНС ДОО, Скопје

Вкупен приход: 528.145.840 I Вкупна добивка: 204.573.174 I Ранг Најголеми: / I Ранг Најуспешни: 59  


И на првата позиција како број еден компанија од транспортната индустрија, се наоѓа ЈАВОР – ТРАНС ДОО од Струмица. На листата на 200 најуспешни компании се наоѓаат уште од 2013 години до ден денес, со пауза од една година, во 2014 каде не можеме да ги забележиме на истата. Во 2021 година имаат остварено најголем вкупен приход во споредба со изминативе 5 години и забележуваат раст во споредба со 2020та година од 24.29%.


А1 Македонија прв оператор со светска стриминг услуга

А1 Македонија е првиот телеком на домашниот пазар кој нуди Netflix, водечката светска стриминг услуга

Финансиските резултати на банките во периодот од 2018 до 2022 година

Банкарскиот сектор во Македонија во глобала е непроменет во изминатите пет години. Единствените промени кои настанаа во поглед на банките кои делуваат на пазарот е припојувањето на Охридска банка кон Шпаркасе банка во 2020 година, како и прекин на делувањето на Еуростандард банка која неколку години беше во стечај.

Алкалоид пушти во употреба нов капитален проект вреден 19,4 милиони евра

Новите капацитети за производство на цврсти фармацевтски форми, со површина од 6.200 м2, се најкрупниот инвестициски потфат на компанијата во изминативе две децении
Годишно издание

Публикацијата „200 Најголеми и Најуспешни“ е многу корисен извор на информации којшто на секој инвеститор му дава прецизна слика за финансиското и деловното работење на 200-те најголеми и најуспешни компании во Република Македонија.

Пазарот на хартии од вредност во основа го придвижуваат информации и во интерес на Берзата во најширока смисла е што поголем број на податоци за работењето на друштвата да бидат достапни на јавноста за да може да се носат правилни и издржани инвестициски одлуки.

МАКЕДОНСКА БЕРЗА АД, Скопје

Учесници
Соработници

Користиме колачиња (cookies) за да Ви овозможиме најдобро искуство на нашиот сајт