Иако голем дел од фирмите на нашиот, па и на светскиот пазар, беа длабоко погодени од пандемијата која го зафати светот од 2019 и сеуште трае, сепак за некои компании 2020 година беше многу плодна и поволна за развој на бизнисот и работењето. Од податоците за 200те најуспешни компании за 2020 година направивме кратка анализа за 50те најбрзо растечки компании според добивката пред оданочување и на наше позитивно изненадување, на листата се наоѓаат доста компании кои прв пат се рангираат во 200 најуспешни. Ваквите податоци даваат надеж дека и покрај неповолните услови, сепак компаниите успеваат да работат позитивно и да остваруваат пораст, а со тоа и да придонесуваат кон оддржување на економијата. Во продолжение погледнете ја табелата со најбрзо растечките компании за 2020 година.
Публикацијата „200 Најголеми и Најуспешни“ е многу корисен извор на информации којшто на секој инвеститор му дава прецизна слика за финансиското и деловното работење на 200-те најголеми и најуспешни компании во Република Македонија.
Пазарот на хартии од вредност во основа го придвижуваат информации и во интерес на Берзата во најширока смисла е што поголем број на податоци за работењето на друштвата да бидат достапни на јавноста за да може да се носат правилни и издржани инвестициски одлуки.
Користиме колачиња (cookies) за да Ви овозможиме најдобро искуство на нашиот сајт