Среда, 21 Февруари 2024
Дома Клуб 200 Новости Анализи За Нас Контакт

Новости

Преработувачката индустрија повторно најуспешна дејност во 200 НАЈГОЛЕМИ И НАЈУСПЕШНИ

Компаниите од преработувачката индустрија и нејзините подгрупи, и во 2022 ја поставија оваа дејност како најуспешна, со најголема вкупно остварена добивка.

Сортирањето на компаниите според дејности во 200 НАЈГОЛЕМИ И НАЈУСПЕШНИ е согласно Националната класификација на дејности која е донесена од Државниот завод за статистика. 

Според добиените податоци од ЦРСМ за финансиските резултати на компаниите во 2022 година, компаниите кои се дел од преработувачката индустрија, заедно оствариле најголема добивка пред оданочување во однос на другите индустрии. 

Како што ни покажува табеларниот приказ, според дејностите на компаниите во 200 НАЈГОЛЕМИ И НАЈУСПЕШНИ, во рамки на оваа дејност има компании од дури 17 подгрупи. Убедливо најуспешна е онаа за Производство на моторни возила, приколки и полуприколки со вкупна добивка пред оданочување од 7 милијарди денари. Тука несомнено голема улога имаат странските директни инвестиции кои во изминатите години се појавија на нашиот пазар, а голем дел од нив се насочени кон производство на делови и опрема за автомобилската индустрија. 

Втора на листата е Производство на метали, со помалку од половина остварена добивка во однос на претходната, во износ од 3,5 милијарди денари. Во оваа група освен странски, има и домашни компании, како што е на пример ИГМ Трејд, која има остварено најголема добивка во рамките на групата. 

Потоа следи Производство на други неметални минерални производи со 1,96 милијарди денари остварен профит, Производство на основни фармацевтски производи и препарати со 1,5 милијарди денари, Производство на пијалаци со 1,3 милијарди денари, Производство на производи од гума и производи од пластични маси со 847 милиони денари итн. 

Последната група, односно дејност, е со остварена добивка од 92,9 милиони денари, а се работи за компании кои се занимаваат со Производство на облека. 

Очекувано, компаниите од најуспешната дејност имаат и најголеми вработувања, со дури 18000 вработени лица, додека најмалку вработени има дејноста Производство на облека, односно 36 лица. Вкупно во преработувачката индустрија се опфатени 30,903 вработени.

 

Целосната листа ја прикажуваме во табеларниот приказ, додека сите податоци за компаниите може да ги најдете тука


Алкалоид АД го негува здравјето и ја штити животната средина

Алкалоид АД е домашна фармацевтска компанија која произведува лекови, козметички и хемиски производи.

Универзал Комерц, најуспешната компанија во трговија со хемиски производи за 2022

Универзал Комерц, компанија специјализирана за увоз и трговија со хемиски производи, бои и лакови, на пазарот во Македонија постои од 1990 година, а исто така е дел и од 200те најуспешни компании.

Традицијата продолжува: најголемите и најуспешните винарии во Македонија во 2022

Традиционално, во чест на денот на виниото, и оваа година ги претставуваме винариите кои се пласираа меѓу 200те најголеми и најуспешни компании во 2022 година.
Годишно издание

Државниот завод за статистика ги поздравува напорите и посветеноста на Еуро Бизнис Центар Скопје, како покровител на публикацијата „200 најголеми и најуспешни“, за промоција на успесите на најголемите и најуспешните деловни субјекти во Република Македонија. Од особено значење за читателите на публикацијата е презентирањето на официјални статистички податоци при претставувањето на фактичката состојба на економијата во Република Македонија. Тоа претставува потврда на важноста на статистиката при носењето одлуки засновани на релевантни, квалитетни, точни и навремени статистички податоци.

Државен завод за статистика

Учесници
Соработници

Користиме колачиња (cookies) за да Ви овозможиме најдобро искуство на нашиот сајт