Петок, 29 Март 2024
Дома Клуб 200 Новости Анализи За Нас Контакт

Новости

Државна Лотарија АД - современо акционерско друштво за одговорно приредување игри на среќа

Компанијата е во државна сопственост, основана според успешни примери и искуства од европските и светските државни лотарии, со цел континуиран придонес во републичкиот буџет за инвестирање во општествено корисни цели.

Државна лотарија, активно придонесува во збогатување на содржините и подобрување на квалитетот на живеење на граѓаните на нашата земја.

Тимот на Државна лотарија посветено работи на понуда и пласман на разновидни интересни игри на среќа со атрактивни премии, преку кои граѓаните ширум земјата, со симболично учество, низ забава, имаат можност за освојување парични и стокови добивки. Се побројното семејство среќни добитници што секојдневно се збогатува со нови среќни стории, имиња и адреси од различни краишта на земјата, ги оправдува и потврдува заложбите за основање и градење на компанијата. Со акцент на доверба и сигурност, компанијата работи во согласност со највисоките светски стандарди во областа на делување и применува најсовремена технологија за сигурност и контрола на безбедноста и квалитетот.

Компанијата бележи континуиран раст и развој и флексибилно одговара на сите предизвици на домашниот пазар и светските трендови. Согласно стратегијата за развој, Државна лотарија ги јакне и збогатува сопствените ресурси во чекор со европските и светски текови во дејноста, инвестирајќи во кадрови и технички ресурси. Во постојана двонасочна комуникација со играчите ги следи очекувањата и потребите на нашиот пазар и соодветно имплементира новитети со цел подостапни можности за забава и добивки и понуда атрактивни премии.   

Државна лотарија е членка на Европската асоцијација на лотарии што овозможува редовна размена на искуства со тимовите на државните лотарии на Европа, што се одразува на побрзиот раст и развој на компанијата. Во домашни рамки, Државна лотарија е докажан бренд и активен општествено одговорен субјект кој континуирано инвестира во сопствениот развој, како и во подобрување на квалитетот и содржините на живеење на граѓаните на нашата земја. Портфолиото на игри на среќа од типот на игри со извлекување добитни бројчиња, инстант лотарија и електронски игри на среќа е во постојан раст. Планскиот развој на компанијата се заснова на стратешки пристап во дисперзирање на мрежата на уплатно-исплатни места, зголемување на дијапазонот на понудата со нови игри на среќа и внесување новини во постоечки игри на среќа. Јакнењето на брендот и популаризацијата на игрите на среќа се рефлектираат на проширување на кругот на среќни добитници и се поголемата инвестиција во општествено корисни цели.

Државната Лотарија веќе неколку години по ред е член на најуспешните компании, а повеќе за нивното рангирање може да погледнете ТУКА.

Финансиските резултати на банките во периодот од 2018 до 2022 година

Банкарскиот сектор во Македонија во глобала е непроменет во изминатите пет години. Единствените промени кои настанаа во поглед на банките кои делуваат на пазарот е припојувањето на Охридска банка кон Шпаркасе банка во 2020 година, како и прекин на делувањето на Еуростандард банка која неколку години беше во стечај.

Алкалоид пушти во употреба нов капитален проект вреден 19,4 милиони евра

Новите капацитети за производство на цврсти фармацевтски форми, со површина од 6.200 м2, се најкрупниот инвестициски потфат на компанијата во изминативе две децении

Адора Инженеринг - Само делата се вистина

Адора Инженеринг, како компанија посветена на градежништво, своите почетоци ги влече од 2002 година кога семејството Чифлиганец одлучи да се впушти во нови бизнис можности откако 1 деценија претходно работеше во фармацијата.
Годишно издание

Публикацијата „200 Најголеми и Најуспешни“ е многу корисен извор на информации којшто на секој инвеститор му дава прецизна слика за финансиското и деловното работење на 200-те најголеми и најуспешни компании во Република Македонија.

Пазарот на хартии од вредност во основа го придвижуваат информации и во интерес на Берзата во најширока смисла е што поголем број на податоци за работењето на друштвата да бидат достапни на јавноста за да може да се носат правилни и издржани инвестициски одлуки.

МАКЕДОНСКА БЕРЗА АД, Скопје

Учесници
Соработници

Користиме колачиња (cookies) за да Ви овозможиме најдобро искуство на нашиот сајт