На листата доминира секторот за производство на делови на моторни возила, поконкретно - половина од фирмите кои што формираат дел од листата, па така на првото место се најде германскиот инвеститор Кромберг и Шуберт, со фабрика за производство лоцирана во Битола. Второто место му припадна на ДММ Дрекслмајер Мануфактуринг од Кавадарци, додека пак Адиент Сеатинг од Штип, Гентерм од Прилеп и Амфенол Технолоџи од Кочани исто така се најдоа помеѓу десетте фирми со најголем број на вработени. АД ЕСМ, ЈП Национални Шуми П.О, АД Пошта на Северна Македонија се фирми во државна сопственост кои се рангираат највисоко на листата.
Што се однесува до приватниот македонски сектор, убедливо најголем број на вработени има македонската компанија Никоб која веќе повеќе години го зазема ова место и се занимава со приватно обезбедување, а од поскоро време и со приватни медицински и лабораториски услуги. Веднаш после нив следи нафтената компанија Макпетрол.
Државниот завод за статистика ги поздравува напорите и посветеноста на Еуро Бизнис Центар Скопје, како покровител на публикацијата „200 најголеми и најуспешни“, за промоција на успесите на најголемите и најуспешните деловни субјекти во Република Македонија. Од особено значење за читателите на публикацијата е презентирањето на официјални статистички податоци при претставувањето на фактичката состојба на економијата во Република Македонија. Тоа претставува потврда на важноста на статистиката при носењето одлуки засновани на релевантни, квалитетни, точни и навремени статистички податоци.
Користиме колачиња (cookies) за да Ви овозможиме најдобро искуство на нашиот сајт