Петок, 14 Јуни 2024
Дома Клуб 200 Новости Анализи За Нас Контакт

Новости

Конти Хидропласт - постојан развој на нови производи и технологии на македонскиот пазар

Конти Хидропласт е скоро 50 години на македонскиот пазар, основана во 1975 година, а се работи за фабрика за производство на ПЕ (полиетиленски) и ПП (полипропиленски) црева и цевки.

Компанијата е извозно ориентирана, што може да се забележи и од нејзиното рангирање на листата на најголеми извозници за 2022 година како 21ва компанија со 2,74 милијарди денари остварен приход од продажба на странски пазар, што е 81,3% од вкупно остварените приходи. 

Со постојани инвестиции во нови технологии, порастот и развојот на компанијата низ годините се неизбежни, па така и нејзиното присуство во 200те најголеми и најуспешни компании во изминатите 20 години.


Во 2003 година Конти Хидропласт се рангираше како 160та најголема и 92ра најуспешна со само 55 вработени во тоа време. Оттогаш, забележителен е порастот на компанијата низ годините, како во поглед на вкупниот приход така и на добивката пред оданочување и бројот на вработени. 

Споредбено со 2003 кога вкупниот приход на компанијата изнесуваше 337 милиони денари, а добивката пред оданочување 25,7 милиони денари, 20 години подоцна нејзиниот приход е зголемен за 900,21%, додека добивката пред оданочување е зголемена за 1893,67%. Полека, но сигурно, е зголемен и бројот на вработени во компанијата, кој во 2022 година изнесувал 172 лица. 


Финансиските резултати во 2022 година ја рангираа компанијата на високи позиции на двете листи, односно на 80то место на листата на најголеми со остварен вкупен приход од 3,4 милијарди денари и на 30то место на листата на најуспешни со добивка пред оданочување од 512,8 милиони денари. 

Повеќе податоци за компанијата може да пронајдете тука, а целосните табели за сите компании се достапни на овој линк


Стратегии за успех од искуството на Актива

Ефективното управување со проекти е критично во градежната и производствената индустрија, временските рокови, буџетите и квалитетот се постојано во прашање.

Адора Инженеринг - лидер во градежништво и еколошката свесност во земјата и регионот

Адора Инженеринг е една од најпознатите македонски градежни компании која од пред неколку години своите активности ги прошири и во некои од соседните држави.

Најголемите дистрибутери на храна и пијалаци во 2022 година

200 НАЈГОЛЕМИ И НАЈУСПЕШНИ како најсеопфатна едиција која ги содржи податоците за најдобрите компании на пазарот, може да понуди широка палета на анализи од податоците со кои располага. Овој пат ги опфативме компаниите за дистрибуција на храна и пијалаци кои се најдоа на листите во 2022 година.
Годишно издание

Публикацијата „200 Најголеми и Најуспешни“ е многу корисен извор на информации којшто на секој инвеститор му дава прецизна слика за финансиското и деловното работење на 200-те најголеми и најуспешни компании во Република Македонија.

Пазарот на хартии од вредност во основа го придвижуваат информации и во интерес на Берзата во најширока смисла е што поголем број на податоци за работењето на друштвата да бидат достапни на јавноста за да може да се носат правилни и издржани инвестициски одлуки.

МАКЕДОНСКА БЕРЗА АД, Скопје

Учесници
Соработници

Користиме колачиња (cookies) за да Ви овозможиме најдобро искуство на нашиот сајт