Маркетите со 17,25% пораст на вкупните приходи во 2022 година
Пост-ковид периодот се покажа уште подобро за маркетите. Во 2022 година 9те најголеми маркети остварија вкупни приходи од над 908 милиони евра или 17,25% повеќе од претходната 2021 година.
Како и последните неколку години, КАМ го задржа своето лидерско место на листата на најголеми маркети со вкупен приход од 232 милиони евра и добивка од речиси 5,1 милиони евра. Со убедлива разлика од следните рангови во однос на приходот КАМ уште еднаш го потврди своето место на пазарот и се рангираше како 10та најголема и 49та најуспешна компанија за 2022 година.
Втор маркет е КИППЕР маркет рангиран на 30то место на листата на најголеми и 69то место на листата на најуспешни. И покрај тоа што е на второ место во оваа дејност, КИППЕР сепак бележи успешна година и раст на приходот од 37,6% во однос на 2021 година. Салдото на КИППЕР на крајот на годината беше близу 137 милиони евра вкупни приходи и 3,6 милиони евра добивка пред оданочување. Компанијата бележи и највисок раст на приходите во однос на другите маркети од листата. Веднаш потоа, на 35 место, е СТОКОМАК со приход од 120 милиони евра и 3,5 милиони евра добивка пред оданочување. СТОКОМАК на листата на најуспешни се најде на 70тото место.
Не заостануваат ни ТИНЕКС и ВЕРОПУЛОС кои сепак влегоа во првите 50 најголеми компании со приходи од 100 милиони евра за ТИНЕКС и 90 милиони евра за ВЕРОПУЛОС. Сепак, ВЕРОПУЛОС не го отстапи првото место на најуспешни ни оваа година па така компанијата е прв најуспешен маркет во 2022 година, рангирана на 26 место на листата на најуспешни со добивка од 9,8 милиони евра.
На 6то место во дејноста маркетите КИТ-ГО од Штип се рангираа на 61во место на најголеми и 97 место на најуспешни со вкупен приход од 78 милиони евра и добивка од 2,8 милиони евра. Потоа следи ЖИТО маркети од Велес рангирани на 73то место и приходи од 62,9 милиони евра и РАМСТОРЕ МАКЕДОНИЈА на 76то место со приход од 58,8 милиони евра.
Последното 9то место го завзема ГРАНДПРОМ-ЗУР кои се рангираа на 155 место според вкупните приходи кои изнесуваа 29,3 милиони евра.
13-09-2023
Најголемата индустрија во Македонија низ бројки
Индустријата за производство на делови и опрема за моторни возила е најголемата и најуспешната индустрија во последните години во Македонија. Замавот го зема со напливот на странски директни инвестиции на кои бизнис климата во нашата држава им се виде поволна.
05-09-2023
ГЕМАК Трејд - лидер на пазарот за увоз и дистрибуција
Гемак е компанија која цели 3 децении е лидер на пазарот за увоз и дистрибуција и стратешки партнер на едни од најпродаваните светски брендови на алкохолни и безалкохолни пијалаци, тутун, кафе, храна и непрехрабрени производи.
31-08-2023
